Дереккөздің мәліметінше, Сергей Семак бастаған бапкерлер штабы 32 жастағы хавбекке енді үміт артпайды. «Көк-ақ-көгілдірлердің» бапкерін футболшының қазіргі бабы канағаттандырмайды: колумбиялық жылдамдығы мен ширақтығын айтарлықтай жоғалтқан, соның салдарынан басшылық оған жаңа келісімшарт ұсынбау туралы шешім қабылдады.
Тірек жартылай қорғаушысының «Зенитпен» қолданыстағы келісімі 2027 жылдың маусым айының соңына дейін есептелген. Колумбиялықтың ойынындағы төмендеуден бөлек, онымен қоштасу шешіміне шетелдік ойыншыларға қойылған қатаң лимит те әсер етті. Дәл осы себепті көк-ақ-көгілдірлер мəскеулік «Локомотивтің» хавбегі Артем Карпукастың трансфері бойынша жұмысты бастап кетті.
Барриос клуб намысын 2019 жылдың ақпанынан бері қорғап келеді. Санкт-Петербордағы карьерасы кезінде колумбиялық жартылай қорғаушы командамен бірге Ресей Премьер-лигасының жеті чемпиондық титулын жеңіп алды.