«Бешикташ» басшылығының Джо Уиллокқа деген қызығушылығы Салих Өзджан мен Фабио Миретти келгеннен кейін де бәсеңдеген жоқ. Сердал Адалы бастаған клуб жетекшілері 27 жастағы ағылшындық ойыншының кандидатурасына қаңтарда — оның «сауысқандармен» жасасқан келісімшартының аяқталуына жарты жыл қалғанда қайта оралмақ. Мұндай жағдай ыстамбұлдықтарға маусым соңында ойыншыны еркін агент ретінде тегін алуға немесе қысқы терезеде оның трансферлік құқығын айтарлықтай төмен бағамен сатып алуға жол ашады.
Өткен жазда түркиялық тарап футболшының агентімен төрт жылдық келісімшарттың талаптарын келісіп қойған еді, алайда британдықтар 20 миллион еуро көлеміндегі қомақты ұсыныстан бас тартып, мәмілеге тосқауыл қойды. Ықтимал сатып алушылар үшін жағдайды ойыншының өзі де күрделендіріп жіберді: Уиллок маусымды сәтті бастап, чемпионатта «Ливерпуль» қақпасына әдемі гол соқты және Лига кубогында «Миллуоллға» қарсы жеңіс добын енгізді. Жартылай қорғаушының керемет бабы «Ньюкасл» басшыларын келісімшартты ұзарту туралы байыппен ойлануға мәжбүр етті, бұл өз кезегінде ыстамбұлдықтардан келіссөздерді тездетуді талап етеді.