Еуропалық футбол нарығында тағы бір үлкен трансферлік дауыл басталуға жақын. «Пари Сен-Жермен» басшылығы «Манчестер Ситиге» хабарласып, испаниялық жартылай қорғаушы Родридің трансферлік шарттарын сұрастырды. Негізінде, париждіктер биылғы жазда орталық шепті күшейтуді жоспарламаған болатын. Алайда, ағылшын клубымен келісімшарты бір жылдан кейін аяқталатын әлем чемпионын сатып алу мүмкіндігі олардың назарын аударып, тікелей келіссөздерді бастауға итермеледі.
Дегенмен, бұл трансфер үшін күрес өте тартысты болмақ. Қазіргі таңда бәсекеде мадридтік «Реал» көш бастап тұр, тіпті клуб ойыншымен жеке келісімге келіп те қойған. Бірақ «корольдік клубқа» бұл келісімді аяқтау және жаңа қанат шабуылшысын алу үшін алдымен өз ойыншыларын сату қажет. Күтпеген жерден таласқа «Барселона» да қосылды. Каталониялықтар Френки де Йонгтың жарақатынан кейін орталық шепті шұғыл күшейтуді көздеп, Родридің өкілдерімен байланысқа шыққан.
Өз кезегінде «Манчестер Сити» де қол қусырып отырған жоқ. «Азаматтар» басты жұлдыздарының біріне жаңа келісімшарт ұсынуға бар күшін салуда. Тіпті, олар Родриді биыл сатқаннан гөрі, келісімшарт мерзімі аяқталғанша алып қалып, бір жылдан соң тегін жіберуге де дайын екендіктерін білдірген.