Переске Еуропаның басқа да клубтары қызығушылық танытып отыр. Атап айтқанда, лондондық «Челсидің» өкілдері футболшының ойынын өз көздерімен бағалау үшін Испанияға барып үлгерген. Ойыншы орталық шабуылшы ретінде де, шабуылдың қапталында да өнер көрсете алады.
Биылғы маусымда Перес чемпионатта 12 матч өткізіп, бір гол соқты және үш нәтижелі пас берді. Соңғы бес кездесудің барлығында ол негізгі құрамда алаңға шығып, оның үшеуінде 90 минут толық ойнады.
Жазда испаниялық футболшы «Овьедомен» келісімшартын 2029 жылдың маусымына дейін ұзартты. Бұған дейін оның келісімшартында көрсетілген өтемақы сомасы 5,5 миллион еуроны құраған, алайда қазір бұл көрсеткіш өсті. Клуб басшылығы болашағынан үміт күттіретін ойыншыларының бірін арзан бағаға сатып жібермеу үшін өтемақы сомасын он есе арттыруды көздеп отыр.
