Винисиус пен «Реал» арасында екі жылға созылған келісімшартты ұзарту дауы шешуші кезеңге өтті, өйткені оның қолданыстағы шартына 11 айдан аз уақыт қалды. «Арсеналдың» бас бапкері Микель Артета бразилиялық жұлдызға командадағы орны мен жобаның басымдығын жеке түсіндіріп үлгерген. Мадридтіктер ойыншының жоғары қаржылық талаптарын орындаудан бас тартса, лондондықтар бұл трансфер үшін қомақты қаражат жұмсауға бел байлап отыр.
«Корольдік клуб» басшылығы «ешкім клубтан жоғары емес» деген ұстанымын берік ұстануда. Егер футболшы ұсынылған шарттарға қол қоймаса, «Реал» оны осы жазда сатуға мәжбүр болады. «Арсеналдың» спорттық директоры Андреа Берта да бұл ауысудың жақын арада жүзеге асатынына сенімді.