31 жастағы футболшы турнирде құрама капитаны болды. Тунис F тобында соңғы орын алып, үш матчтың барлығында жеңілді: Швециядан 1:5, Жапониядан 0:4 және Нидерландтан 1:3 есебімен ұтылды.
«Мен үшін халықаралық мансабымды аяқтайтынымды жариялайтын уақыт келді. Бұл жейдені киіп, өз елімнің намысын қорғау мен үшін үлкен мақтаныш әрі зор мәртебе болды. Біз бірге бастан өткерген эмоциялар мен сәттер мәңгі есімде қалады», — деп жазды Схири.
Жартылай қорғаушы ұлттық құрама сапында 2018 жылдан бері өнер көрсетіп, 86 матч өткізді. Осы уақыт ішінде ол 2018, 2022 және 2026 жылдардағы үш әлем чемпионатына, сондай-ақ төрт Африка ұлттары кубогына қатысты.
Схиридің ұлттық құрамамен бірге жеткен басты нәтижелерінің бірі — 2019 жылғы Африка кубогындағы төртінші орын. Футболшы жарқын сәттермен қатар, ауыр жеңілістерді де бастан өткергенін мойындады.
«Осы жылдардың бәрінде құрамаға деген адалдығым, бар күшімді салуым және құрметім өзгерген жоқ. Бірақ футбол аяусыз және адамнан үнемі өзіне сұрақ қоюды талап етеді. Бұл сәтсіздіктер де менің футболшы әрі адам ретінде қалыптасу жолымның бір бөлігі», — деді ол.
Енді Схири бар назарын Бундеслигадағы «Кёльн» сапындағы ойынына аударады. Сонымен бірге ол ұлттық құраманы әрі қарай да қолдайтынын айтып, бұрынғы командаластарына жаңа табыстар тіледі.