Мюнхендіктер 6:1 есебімен жеңген «Магдебургпен» матчта Карл Альфонсо Дэвиске гол пасын беріп, бірнеше қауіпті шабуылға қатысты.
Дегенмен футболшы төңірегіндегі талқылау толастар емес. Жақында Хёнесс Карлмен «байыпты әңгіме» болатынын айтып, оны кішіпейіл болуға шақырған еді. Енді Эберль де ойыншының алаңнан тыс жүріс-тұрысы туралы айтып, «кейбір қателіктерді» атап өтті. Алайда ол бұларды аса маңызды нәрсе деп санамайтынын да ескертті.
Клубта Карлдың ашық түсті киімдеріне, әлеуметтік желідегі белсенділігіне және инфлюенсер қызбен көпшілік алдында жиі көрінуіне ерекше назар аударып отырған сыңайлы. SPORT1 басылымының бас тілшісі Штефан Кумбергер айтылған сындардың орынды екеніне күмән келтірді. «Леннарт Карл не істеді сонша? Ол қызғылт костюм киді. Оның несі бар?!» – деді журналист.
Сонымен қатар Кумбергер футболшының ойыны әзірге оның жарқын дебюттік маусымындағы деңгейге жетпей тұрғанын, ал сынның оған пайдасы тиюі мүмкін екенін мойындады.