«Оның жағдайы жақсы екенін көріп отырмын. Бұған дәлел — ол әлі де бізбен бірге. Ол бұл шешімге риза емес және ертең ойнағысы келді. Бірақ тәуекелге баруға болмайды, өйткені маусым әлі ұзақ», — деді Зидан RMC эфирінде.
Франциялық маман футболшылардың жиі жарақат алуына себеп болып отырған тығыз ойын күнтізбесіне де алаңдаушылық білдірді. Оның айтуынша, қараша айы әсіресе қиын, себебі осы кезеңде ұлттық чемпионаттар, Чемпиондар лигасы және ұлттық құрамалардың матчтары қатар өтеді.
Мбаппе, Орельен Тчуамени және Маркус Тюрамның жоқтығына қарамастан, Зидан командасына сенім артып отыр. Бапкер қолда бар футболшыларды пайдаланып, оңтайлы тепе-теңдікті табуға және Италияны жеңуге ниетті екенін атап өтті.