«Оны асыға күтіп жүрмін! Соңғы бірнеше жыл бойы оның командаларының ойындарын бақылап келемін, әрі «Челси» жігіттерінің кейбірімен сөйлестім - олардың бәрі бұрынғы бапкері туралы өте жоғары пікірде. Осы маманның жетекшілігімен жұмысқа тезірек кірісуді қатты қалаймын», - деді Андерсон «қалалықтардың» баспасөз қызметіне берген сұхбатында.
Андерсон «Ньюкасл Юнайтед» академиясынан түлеп ұшқан. Ол бұған дейін «Ноттингем Форест» сапында ойнады және 2024 жылы бұл клубқа 15 млн фунтқа ауысқан. Өткен маусымда жартылай қорғаушы Англия Премьер-лигасында 38 матч өткізіп, төрт гол соғып, төрт нәтижелі пас берді.