«Манчестер Юнайтедтің» бұрынғы скауты Мик Браунның айтуынша, мерсисайдтықтар келесі жазда жүзеге асуы мүмкін келісімге дайындықты бастап кеткен. Араухо ағылшын клубында жалға алу негізінде ойнап жүр, ал келісімшартта оны 55 млн еуроға сатып алу мүмкіндігі қарастырылған.
«Араухо керемет ойнап жүр, ол «Ливерпуль» үшін аса маңызды ойыншыға айналды. Егер осылай әсерлі өнер көрсетуді жалғастырса, тұрақты негізде қалуы әбден ықтимал», – деді Браун Football Insider басылымына берген сұхбатында.
27 жастағы футболшы Англияға жазда ауысып, бірден оң жақ қорғаушы орнында бекіді. Әсіресе ол демалыс күндері «Брайтонды» 2:0 есебімен ұтқан ойында ерекше көзге түсіп, бас бапкер Андони Ираола мен команда капитаны Вирджил ван Дейктің мақтауына ие болды.