Mundo Deportivo хабарлауынша, Испания корольдік футбол федерациясы (RFEF) Гавидің ешқандай ереже бұзбағанын, керісінше Леандро Паредестің дөрекі әрекетінің құрбаны болғанын дәлелдеуге ниетті.
Жанжал Паредестің Эрик Гарсияны итеруінен кейін басталған. Осы сәтте араша түскен Гави аргентиналық жартылай қорғаушымен қақтығысқа түскен.
RFEF ойыншыға жаза қолдануға негіз жоқ деп санайды. Сонымен бірге ұйым Фоларин Балогунның бұрынғы ісіне сүйеніп, Гавиге де дәл сондай шешім шығаруды сұрамақ.
Қазіргі таңда ФИФА Аргентина құрамасының бірнеше ойыншысы мен бапкерлер штабы мүшелерінің әрекеттеріне де құқықтық баға беріп жатыр.