Беделді Corriere dello Sport басылымының мәліметінше, Италия футбол федерациясы (FIGC) «Ювентустың» бұрынғы бас бапкері Тьяго Моттамен келіссөздер жүргізіп, оған «Скуадра Адзурраның» тізгінін ұсынған. Алайда 43 жастағы маман италиялық футбол басшылығының ұсынысынан сыпайы түрде бас тартты.
Моттаның шешімінен кейін федерация басшылары балама нұсқаларға ауысуға мәжбүр болды.
Қазіргі таңда ұлттық құраманың бас бапкері қызметіндегі бос орынға басты фаворит ретінде аңызға айналған бұрынғы жартылай қорғаушы, ал қазір бапкер Андреа Пирло саналады.
Италия құрамасының бас бапкерін тағайындау дағдарысы жалғасуда: бұған дейін FIGC басшылары Карло Анчелотти мен Хосеп Гвардиоланы да өз жағына тартуға тырысқан, алайда қос топ-бапкер де ұлттық құраманы басқару туралы ұсыныстан бас тартқан.