Соңғы кезеңде 31 жастағы вингер команда өтініміне енбей, қатарынан төрт матчқа қатысқан жоқ. Бұл шешімге Грилиштің тәртіптік мәселелері себеп болғаны айтылып, оның «Эвертондағы» болашағына қатысты әңгімелерді күшейтті.
Соған қарамастан бас бапкер Дэвид Мойес футболшыны жоспардан біржола алып тастауға асықпайды. Шотландиялық маман Грилиштен жағдайға дұрыс жауап беруді күтеді және оның жаттығу процесіне, сондай-ақ командалық талаптарға жауапкершілікпен қарағанын көргісі келеді.
Халықаралық үзіліс кезінде Грилиш «Эвертонның» жаттығу базасында қалып, жұмысын жалғастырады. Бұл уақыт оған командамен толыққанды жұмысқа қайта оралуға дайын екенін көрсетуге және бапкерлер штабына негізгі құрамдағы орынға лайық екенін дәлелдеуге мүмкіндік береді.
Дегенмен ойыншының өтінімге автоматты түрде қайта қосылатынына кепіл жоқ. Грилишке бапкер сенімін қайтадан ақтап, командаға пайдасын дәлелдеуі қажет. Қазіргі таңда «Эвертон» оған осындай мүмкіндік беруге дайын және жалға беру келісімін мерзімінен бұрын тоқтату нұсқасын қарастырмай отыр.