Бас бапкер Столе Сольбаккен футболшылардың жағдайы туралы толық мәлімет беруден бас тартты. «Шынымен де, болмашы нәрселер — жеңіл соғылулар мен микрожарақаттар. Бірақ бәрі жақсы болады деп ойлауға толық негіз бар», — деп келтіреді маманның сөзін Aftenposten.
Холанд пен Эдегордан бөлек, Антонио Нуса, Сандер Берге және Йорген Странд Ларсен бастаған бірнеше ойыншы жеңілдетілген бағдарлама бойынша жаттықты. Соңғысы қосымша медициналық тексеруден өтеді. Содан кейін ғана оның Уэльске қарсы ойнай алатыны белгілі болады.
Сольбаккен демалыс күндеріне қарай шақырту алған 23 футболшының 21–22-сі ойынға дайын болады деп үміттенеді. Сонымен қатар бапкер алдағы матчта негізгі қақпашы кім болатынын әлі шешкен жоқ. Бұл орынға Орьян Нюланд пен Эгиль Сельвик таласып жатыр.