Лондондық клуб футболшыны бірден сатуға асықпайды: «Кристал Пэлас» ойыншымен тек ауқымды аукцион түрінде ғана қоштасуға дайын екенін жеткізген.

Fichajes.net дерегінше, Уортонның бастапқы трансферлік құны қазірдің өзінде 90 миллион еуроға дейін көтерілген.

«Реалда» бұл трансферді Жозе Моуриньюдың өзі талап етіп отыр. Португалиялық бапкер қатаң прессингтен қысылмай шығып, шабуылды тік бағытта жылдам үдететін солақай ойыншы іздейді. Уортонның «Кристал Пэласпен» келісімшарты 2029 жылға дейін күшінде, сондықтан мадридтіктер бұл келісімді ұзақ мерзімге бағытталған инвестиция ретінде қарастырады.

Ал «Атлетико» де шет қалмақ емес. «Матрасшылар» қомақты қаржы қажет болса да, бастаманы өз қолына алуға ниетті. Клубтың спорттық департаменті Уортонды алдағы жылдары жартылай қорғаныстың негізгі тірегіне айналдырғысы келеді. «Атлетиконың» маңызды артықшылығы да бар: олар жас футболшыға дәл қазір негізгі құрамнан кепілді орын ұсынуға дайын, ал «Сантьяго Бернабеуде» орын үшін бәсеке әлдеқайда қатал болмақ.

Енді мансап жолын таңдауда шешім Уортонның өзіне байланысты: Англияда қалу немесе Испания чемпионатына аттану.

Адам Уортон «Кристал Пэлас» сапында 2024 жылдан бері ойнайды - ол «Блэкберннен» 21,10 миллион еуроға ауысқан. 2025/26 маусымында жартылай қорғаушы барлық турнирде 53 матч өткізіп, 1 гол соғып, 7 нәтижелі пас берген.

Пікірлер (0)

Пікірлер (0)