Франция футбол федерациясы 55 жастағы маманның тағайындалғанын ресми түрде растады. Аңызға айналған ойыншыны шақыруға «үш түстілердің» жаңа бас бапкерінің өзі бастамашы болды.

Дегенмен тиісті бапкерлік лицензияның болмауына байланысты Бартезді тіркеу соңғы сәтке дейін белгісіз болып келді. Штабқа заңды түрде кіру үшін бұрынғы футболшыға құжаттарды шұғыл түрде алуға тура келді.

Бартезден бөлек, Зиданға Давид Беттони, Хамиду Мсаиди, Грегори Дюпон, Стефан Планк, Фарид Табет және Клеман Ибер көмектеседі.

Фабьен үшін бұл мұндай бағыттағы алғашқы тәжірибе емес: 2010 жылы ол құрамада қақпашыларды дайындауға жауапты болған еді. Бірақ 2007 жылы ойыншы ретіндегі мансабын аяқтағаннан кейін ол бапкерлікпен дерлік айналысқан жоқ, ал енді үлкен футболға толыққанды оралуға мүмкіндік алып отыр.

Бартез ел тарихындағы ең жүлделі ойыншылардың бірі болып қала береді. Ол «ле блё» құрамында 87 матч өткізіп, 1998 жылғы әлем чемпионатын, Еуро-2000 мен Конфедерациялар кубогын жеңіп алды. Клубтық деңгейде «Марсельмен» Чемпиондар лигасында топ жарса, «Манчестер Юнайтедпен» Англия чемпионы және «Монакомен» екі рет Франция чемпионы атанды.

Пікірлер (0)

Пікірлер (0)