Дереккөздің жазуынша, Қазақстанда ұлттық құраманың бапкерлік штабының жалақысына қатысты мәліметтер көпшілікке жиі жариялана бермейді. Соған қарамастан, Талғат Байсуфиновтың базалық айлығы айына шамамен 12 миллион теңге (қазіргі бағаммен 21 210 еуроға жуық) екені айтылды. Егер маман бір жыл толық жұмыс істесе, салыққа дейінгі табысы 144 миллион теңгеге (254 500 еуроға жуық) жетуі мүмкін.

Бұл Байсуфиновтың ұлттық құрамаға үшінші мәрте келуі. Алғашқы кезеңінде ол Қазақстан құрамасын 2020 жылдың желтоқсанынан 2022 жылдың наурызына дейін басқарды. Сол уақытта команда оның жетекшілігімен 10 матч өткізіп, бір рет жеңіп, үш рет тең ойнап, алты кездесуде жеңілді.

Екінші рет бапкер 2025 жылдың қыркүйегінен 2026 жылдың қаңтарына дейін бас бапкердің міндетін атқарушы болды. Бұл аралықта құрама төрт ойын өткізіп, бір жеңіске жетті, екі мәрте тең түсіп, бір рет жеңілді.

2026 жылдың 28 қаңтарынан бастап Талғат Байсуфинов ұлттық құраманы қайтадан ресми түрде тізгіндеді. Қазірге дейін оның басшылығымен Қазақстан құрамасы төрт матч ойнап, екеуінде жеңіске жетті, бір ойында тең нәтиже көрсетті және бір кездесуде жеңілді. Орташа ұпай көрсеткіші - ойынға 1,75, бұл оның ұлттық құрамамен жұмыс істеген үш кезеңінің ішіндегі ең үздік нәтижесі.

Пікірлер (0)

Пікірлер (0)