Маманның айтуынша, қарсылас қорғанысқа жатып, қарымта шабуылға иек арта отырып, күтілгендей әрекет еткен. Соған қарамастан, түріктер австралиялықтардың шабуылдарына тосқауыл қоя алмады. Нәтижеге қарамастан, Монтелла шәкірттерінің жігері мен мінезін мақтап, алдағы ойындарда голдар мен ұпайлар келетініне сенім білдірді.

«Биз қолдан келгеннің бәрін жасадық, қақпаға 30 соққы бағыттадық, бірақ бағымыз жанбады. Футболда солай болып тұрады: сәттіліксіз матчты ұтып алу мүмкін емес. Австралиялықтар өте ірі, олардың қорғанысын бұзып өту қиынға соқты. Қарсыласты жеңісімен құттықтаймын, бірақ біз үшін әлі ештеңе жоғалған жоқ.
Жеңілістен кейін сынның болатыны заңды, тіпті ол әділетсіз болса да. Керем Актюркоглу соңына дейін шайқасты. Ал тактикалық өзгерістер мен ауыстыруларға келетін болсақ: Хакан Чалханоглу мен Арда Гюлердің алаңда толық 90 минут бойы ойнамағанына көп болды, сондықтан қарсыластың қарымта шабуылдарын тоқтату үшін оларға көмекке Мерт Мюльдюр және Салих Озджан сияқты жігерлі ойыншылар қажет болды. Ал Джан Узунға өз амплуасындағы ойыншылардың көптігінен алаңнан орын табылмады.
Доп қақпаға кірмей қойды екен деп, бірден командаға тап беріп, кінәлаудың қажеті жоқ. Біз қателіктерді саралап, жағдайды түзету үшін бәрін жасаймыз», — деп түйіндеді Монтелла.

Пікірлер (0)

Пікірлер (0)