Салах айтуынша, команда бірінші таймда өте жақсы ойнаған, екінші таймның басым бөлігінде де қарқынын жоғалтпаған. Дегенмен, бір-екі ұсақ қателік жібергенін атап өтті. Төрешілікке қатысты пікірін көп созбай, «не болғанын бәрі көрді» деп қысқа қайырды.

«Ең алдымен, бұл - Құдайдың қалауы. Осы матчтың да, оның нәтижесінің де жазмышы солай болды. Біз бірінші таймды өте жақсы өткіздік, екінші таймның басым бөлігінде де жақсы ойнадық. Бір-екі ұсақ қателік жібердік, ал төрешілікке келсек, оны талқылағым келмейді. Не болғанын бәрі көрді. Айтарым осы.

Біздің голымыз есепке алынбады, сондай-ақ бізге пенальти де берілмеді. Дәл содан кейін қарсылас қарсы шабуылға шығып, гол соқты. Бапкер турнирді қалай өткізгеніміз үшін бізді құттықтады. Ол бұдан да әрі өткенімізді қалады, бірақ Құдайдың қалауы солай. Осы турнирде қол жеткізгенімізге сүйеніп, болашағымызды құрамыз, Құдай қаласа, алда бұдан да табысты кезең күтіп тұр.

Біз қазіргі әлем чемпиондарына қарсы ойнадық және өте ауыр матч болатынын түсіндік. Бұл қарсыласқа тамаша дайындалдық, оны кездесудің алғашқы минуттарынан-ақ байқауға болатын. Бірақ соңында Құдай бізге дәл осындай тағдыр жазыпты», - деп Салахтың сөзін «Глобо» келтіреді.

Айта кетейік, 1/4 финалда Аргентина құрамасы Швейцариямен кездеседі.

Пікірлер (0)

Пікірлер (0)