Фабио Капелло Лионель Мессидің қазіргі деңгейіне баға беріп, оны футбол тарихындағы ең ұлы ойыншы деп атады. Итальян маманының айтуынша, жасы өз әсерін көрсетіп жатыр, бірақ аргентиналықтың техникасы мен шеберлігі әлі де теңдессіз.

- Месси - тарихтағы ең ұлы футболшы. Қазір жасы өз әсерін беріп жатыр. Оның техникалық шеберлігі теңдессіз, бір сөзбен айтқанда - нағыз футбол шеберлігі, - деді Капелло.

Бапкер Мессидің бұрынғыдай шабуылда допты іліп әкетіп, үш ойыншыны алдап өтіп, өзі гол соғатын стилі сирегенін атап өтті.

- Ол енді шабуыл аймағында допты іліп әкетіп, үш ойыншыны алдап өтіп, гол соғатын баяғы Месси емес, - деді ол.

Соған қарамастан, Капелло Мессидің турнирдегі ықпалы сақталғанын жеткізді. Оның сөзінше, аргентиналық екі рет пенальтиден мүлт кетсе де, команда үшін маңызды рөл атқарып жүр.

- Дегенмен, турнирде екі рет пенальтиді мүлт жіберсе де, ол әлі де шешуші рөл атқарып жүр. Оның футбол үшін жасағанының бәріне біз әрдайым алғыс айтуымыз керек, - деді Капелло.

Капеллодан Мессидің Эрлинг Холанд пен Килиан Мбаппеден кейін тұрған-тұрмағаны туралы да сұралды. Ол екі жұлдыздың ерекшелігін бөлек сипаттады.

- Бірі - ең жоғары қуат, екіншісі - техникамен ұштасқан абсолют жылдамдық, - деді итальян маманы.

Капелло Мессидің әлі де ерекше сәттер сыйлайтынын, бірақ ең үздік нұсқасына қайта орала алмайтынын да қосты.

- Месси әлі де керемет нәрселер көрсетіп жүр, бірақ ол енді өзінің ең үздік нұсқасындағы Месси бола алмайды. Соған қарамастан, ол бізге өз ойынын тамашалатып, өзіне ғашық етті, ал шешуші сәттерде, мысалы, Мысырмен матчта, өзін тағы бір дәлелдеді, - деді Фабио Капелло.

Пікірлер (0)

Пікірлер (0)