Аргентина футбол қауымдастығының (AFA) әлеуметтік желідегі парақшалары 2026 жылғы әлем чемпионатының 1/8 финалындағы Мысырға қарсы матчтан кейін хакерлік шабуылға ұшырады. Кездесу Аргентинаның 3:2 есебімен жеңісімен аяқталған.

MDZ Radio мәліметінше, шабуылға жауапкершілікті Мысырдан шыққан хакерлер тобы өз мойнына алған. Олардың AFA-ның кейбір ішкі деректеріне, соның ішінде электронды пошта мекенжайлары, IP-адрестер және құпиясөздерге қол жеткізуі мүмкін екені айтылды.

Оқиғадан кейін бірнеше журналист AFA Medios аккаунтынан жіберілген күмәнді хаттар алған. Хабарламаларда турнир ұйымдастырушылары мен Аргентина — Мысыр ойынын басқарған төрешілер тобына қатысты айыптаулар болған.

AFA ұйымы өз аккаунттарының бірінен рұқсатсыз хаттар таратылуы мүмкін екенін растады. Алайда бұл хабарламалардың қауымдастық тарапынан жасалмағанын және мақұлданбағанын мәлімдеді. Қазір ұйым шабуылға байланысты ішкі тексеру жүргізіп жатыр.

Бұған дейін Мысыр футбол федерациясы француз төрешілер бригадасының жұмысын сынға алып, бас төреші Франсуа Летексьені турнирдегі келесі ойындардан шеттетуді ФИФА-дан талап еткен болатын.

Пікірлер (0)

Пікірлер (0)