«Қайрат» үшін келесі қадам — болгариялық «Левскиге» қарсы үшінші іріктеу раунды. Алғашқы кездесу 4 тамызда Софияда өтеді және Қазақстан уақытымен 22:30-да басталады. Қарымта матч 11 тамызға белгіленген, басталуы — 20:00, ойын «Түркістан Арена» стадионында өтеді.

Егер Қазақстан чемпионы «Левскиден» өтсе, Чемпиондар лигасы іріктеуінің плей-оффына шығады. Football Meets Data-ның алдын ала есептеулері бойынша, коэффициенті 11.000 болатын «Қайрат» — «Левски» жұбы жеребе тартуда себілмегендер қатарына кіреді.

Қазақстан-болгар текетіресінің жеңімпазының ықтимал себілген қарсыластары арасында бес нұсқа бар:
- «Црвена Звезда» — «Хапоэль Беэр-Шева» жұбының жеңімпазы (46.500);
- «Динамо» «Загреб» — «Кауно Жальгирис» жұбының жеңімпазы (46.500);
- «Селтик» (44.000);
- «Слован» «Братислава» — «Мьельбю» жұбының жеңімпазы (36.000);
- «АЕК» (24.000).

Яғни, «Қайрат» теориялық тұрғыдан «Селтикке», «Црвена Звездаға», загребтік «Динамоға», «Слованға» немесе «АЕК-ке» шығуы мүмкін. Бірақ үш нұсқада қарсылас тек үшінші іріктеу раундының жұптары аяқталғаннан кейін ғана анықталады.

Пікірлер (0)

Пікірлер (0)