«Біз сапалы командаға қарсы ойнадық, бірақ жеңіске лайық болдық, өйткені бірінші таймды керемет өткіздік. Екінші таймда матч тағдырын ертерек шешуге мүмкіндік болды», — деді Фонсека кездесуден кейін.
Португалиялық маман «Андерлехт» есеп айырмасын қысқартып, таразы басын теңестіруге ұмтылғаннан кейінгі команданың әрекетін де ерекше атап өтті.
«Команданың бірге күресіп, қорғана білгені — жақсы белгі. Осындай матчтарда жеңіске жете білу өте маңызды», — деді бапкер.
Фонсека Брюссельдегі кездесуде өзін көрсетуге мүмкіндік алған футболшыларды да мақтады. Ол қонақтардың екінші голын соққан Кэито Накамураны ерекше атап өтті.
«Кэито — өзгеше типтегі ойыншы. Ол дұрыс шешім қабылдайды және допты сирек жоғалтады. Қалай шабуылдау керегін жақсы түсінеді әрі техникалық тұрғыдан өте мықты», — деді Фонсека.
Бельгиядағы жеңістен кейін «Лион» Еуропа лигасының жаңа маусымындағы алғашқы үш ұпайын еншіледі.