Команда гол айырмасы бойынша ғана «Ванкувер Уайткэпстан» қалып отыр, бірақ бір матч артық өткізген. Жалпы кестеде «Сан-Хосе» үшінші сатыда, ал Ганн ұжыммен бірге чемпиондыққа таласуды көздейді.

«Эртквейкс» қатарына қосылғаныма керемет сезімдемін, - деді Ганн клубтың ресми сайтына. - Әлем чемпионатынан кейін келіп отырмын, ол мен үшін ұмытылмас тәжірибе болды. Сан-Хосеге келіп, өзімнің ең үздік деңгейімді көрсету мүмкіндігі туғанына қатты қуанып, ризамын. Плей-оффқа шығу тұрғысынан жағдайымыз өте жақсы, сондықтан дұрыс менталитетпен соған басымдық берсек деймін».

Ганн АҚШ-та өткен Әлем чемпионатында Шотландияның топтағы үш ойынының бәрінде алаңға шықты. Ол Гаитиді 1:0 есебімен ұтқан кездесуде қақпасын құрғақ сақтап, кейін Мароккодан 0:1 есебімен жеңіліп, Бразилиядан 0:3 есебімен ұтылды.

Брюс Арена Ағылшын премьер-лигасы мен Әлем чемпионатында тәжірибесі бар «сапалы қақпашыны» қатарға қосқанына қуанышты екенін жеткізді. «Маусымның екінші жартысында оны клубқа сәтті бейімдеуді асыға күтіп отырмыз», - деді бапкер.

Ганн кәсіби мансабын «Манчестер Ситиде» бастап, кейін «Норвич Ситиде» екі кезең ойнады. Сондай-ақ ол «Саутгемптон» мен «Сток Сити» клубтарында да доп тепті. Қақпашы «Норвичтен» кеткеннен кейін тамыз айында «Форестке» ауысқанымен, Премьер-лига өкілі сапында бар болғаны бір рет қосалқы құрамнан алаңға шықты.

Сан-Хоседе Ангус Ганн негізгі құрамдағы орын үшін 32 жастағы бразилиялық Даниэлмен және 34 жастағы америкалық Эрл Уильям Эдвардс Джуниормен бәсекеге түседі.

Пікірлер (0)

Пікірлер (0)