«Матч - сумдық масқара. Сөзім үшін кешірім сұраймын, бірақ қазір стадиондағы кез келген адамнан сұрасаң, дәл осыны өзінің тілінде айтып береді. Жігіттер, не дерімді де білмеймін... Командалық ойын атымен жоқ, мына футболшылардың бір-бірімен әлі тілі табыспағаны көрініп тұр. Дегенмен, аз да болса бір жүйелі ойын көргіміз келген еді. Жарайды, ойын өрнегі жоқ екен - онда жеке шеберліктеріңді, орындау шеберлігін көрсетіңдер де. Ал мұнда - нөл. Жай ғана нөл», - деді ол.

Блогердің айтуынша, ол стадионға келгеніне өкінбейді, бірақ ойынның мұндай болатынын алдын ала білгенде, мүмкін келмес пе едім деген ойын да жасырмады.

«Әрине, келгеніме өкінбеймін: бәрібір жоспарлап жүргенмін. Бірақ бәрі осылай боларын бұрыннан білсем, шыны керек, келу-келмеуді әлі де ойланар едім. Ойын ашығын айтқанда өте нашар. Чемпионатта негізгі құрам шыққанда «Челсидің» жағдайы түзелер деп үміттенемін, өйткені бүгінгі көргенім - кешіріңіздер, бұл өте әлсіз. Өте әлсіз. «Челси» 0:1 есебімен ұтылды», - деп қосты автор.

Бұл кездесуде «Челси» сапында Дастан Сатпаев та ойнады. Қазақстан құрамасының 17 жастағы шабуылшысы екінші таймда қосалқы құрамнан алаңға шығып, ойынның соңғы бөлігін өткізді. Осы уақыт ішінде ол қарсылас қақпасына тура соққы жасап үлгерді.

Пікірлер (0)

Пікірлер (0)