«Борнмуттың» еурокубоктар тарихындағы алғашқы голын 11-минутта Джастин Клюйверт соқты. Көп ұзамай Райан Алекс Скоттың пасынан кейін қонақтардың басымдығын екі допқа жеткізді.
Үзілістен кейін алаң иелері бастаманы қолға алды. Серхио Гомес есеп айырмасын қысқартты, ал кездесудің соңғы бөлігі испаниялық команданың үлкен қысымымен өтті.
Матчтың басты қаһармандарының бірі Джордже Петрович болды. «Борнмут» қақпашысы бірнеше шешуші сейв жасап, соңғы минуттарда Орри Оскарссонның аса қауіпті екі соққысынан кейін командасын құтқарып қалды.
Нәтижесінде ағылшын клубы басымдығын сақтап, тарихи дебютін 2:1 есебіндегі жеңіспен аяқтады.