«Бернли» «Карроу Роудта» өткен матчта «Норвичтен» 1:4 есебімен жеңілді. Кездесу қонақтар үшін сәтсіз басталды: бірінші таймда «Бернли» 2-, 5- және 21-минуттарда қатарынан үш гол жіберіп алды. 27-минутта қонақтар бір доппен жауап қатқанымен, 67-минутта алаң иелері есепті 4:1 етіп түпкілікті бекітті.

Қазақстан құрамасының 18 жастағы ойыншысы Дастан Сәтпаев бұл ойында 95 минут бойы алаңда болды. Ол қақпаға үш рет соққы жасап, 28 пастың 21-ін дәл жеткізді (75 пайыз), допқа 42 рет тиді. Оның 6 жанасуы қарсыластың айып алаңында тіркелді, ал 7 әрекеттің 3-інде дриблингті сәтті орындады. Матч қорытындысында Сәтпаев 7,6 балл алды - бұл алаңдағы барлық футболшылар арасындағы үшінші ең жоғары көрсеткіш.

Сәтпаев «Бернлидің» негізгі құрамында алғаш рет 2026 жылдың 26 тамызында Англия лигасы кубогының екінші раундында «Брэдфорд Ситиге» қарсы сырт алаңдағы ойында шыққан еді. Ол кездесу 0:0 есебімен аяқталып, пенальти сериясында «Бернли» 2:4 есебімен жеңілді. Ал чемпионатта Дастан алғаш рет екінші турда «Вест Бромвичке» қарсы матчта 57-минутта алаңға қосылған, сол ойын да «Бернлидің» 1:3 есебімен жеңілуімен аяқталған.

Пікірлер (0)

Пікірлер (0)