Украиналық футболшы шымкенттік клубтағы оң өзгерістерді атап, команданың жоғары орындар үшін күресіп жатқанын ерекше бағалады. Пластунның пікірінше, мұндай бәсекелестік бүкіл чемпионат үшін қалыпты жағдайға айналуы керек.

«Мен ҚПЛ-ді әр тур сайын бақылап отырамын. «Ордабасының» алаңда да, одан тыс жерде де жағдайы жақсарып келе жатқанына өте қуаныштымын. Оларға Кубокта және «Қайратпен» бірге чемпиондық үшін күресіп жатқан чемпионатта сәттілік тілеймін. Қазақстанда осындай командалар көбейсе екен деймін», — деді Украина құрамасының бұрынғы ойыншысы.

Маманның пікірінше, мықты командалар санының артуы шетелдік футболшылардың Қазақстан клубтарына деген қызығушылығына тікелей әсер етеді. Сонымен қатар ол инфрақұрылым мәселесін турнирдің дамуын тежеп тұрған негізгі факторлардың бірі ретінде атады.

«Бәсекелестік деңгейі неғұрлым жоғары болса, шетелдік футболшылардың жергілікті клубтарға келуге деген ынтасы да соғұрлым артады. Екіншісі — инфрақұрылым мәселесі. Чемпионат туралы сұрайтын еуропалықтарға мен бұл туралы ашық айтамын. Егер лига дамығысы келсе, осы бағытта жұмыс істеу керек», — деп қосты Пластун.

35 жастағы украиналық футболшы «Ордабасыға» 2024 жылы болгариялық «Лудогорецтен» ауысқан. Шымкенттік ұжым сапында орталық қорғаушы 34 матч өткізіп, үш гол соқты.

Қазір футболшы Бельгияның «Эйпен» клубында өнер көрсетеді. Бұған дейін ол «Генттің» намысын қорғап, сол командада Джонатан Дэвид және Александер Сёрлотпен бірге ойнаған.

Пікірлер (0)

Пікірлер (0)