Кездесудегі есепті 3-минутта Райс ашты - 0:1. 18-минутта Конса айырманы ұлғайтты - 0:2, ал 37-минутта Сака үшінші голды соқты - 0:3. Бірінші таймның қосымша уақытында Сака тағы бір мәрте мергендік танытып, есепті 0:4-ке жеткізді.

Екінші тайм басында Франция Мбаппенің 48-минуттағы голымен жауап берді - 1:4. 54-минутта Баркола есеп айырмасын қысқартты - 2:4. 66-минутта Мбаппе дубль жасап, есепті 3:4 етті. Алайда 87-минутта Сака хет-трик рәсімдеп, Англияны қайта алға шығарды - 3:5. 90+6-минутта Дембеле гол соғып, интриганы күшейтті - 4:5. Дегенмен 90+8-минутта Беллингем соңғы нүктені қойды - 4:6.

Осылайша Англия әлем чемпионаттарында 60 жылдан кейін алғаш рет медаль иеленді. Бұған дейін «Үш арыстан» 1966 жылғы әлем біріншілігінде алтын медаль алған: финалда Германия құрамасын (ГФР) қосымша уақытта 4:2 есебімен жеңген еді. Сол уақыттан бері команда жүлдеге жете алмай келген, ал бұл жолғы сәтсіздік сериясын тоқтатқан бапкер - неміс маманы Томас Тухель.

Бұл медаль Англияның әлем чемпионаттары тарихындағы бар-жоғы екінші жүлдесі екені атап өтілді.

Пікірлер (0)

Пікірлер (0)