Эндрю Робертсонның айтуынша, ойын алдындағы қобалжу ешқашан толық жоғалмайды. Оның пікірінше, жанкүйер де стадионға алаңсыз келмейді. Соған қарамастан, капитан Шотландия құрамасы халықтың сеніміне лайық болды деп есептейді және команда соңғы ойындарымен сол сенімге лайық екенін дәлелдеуге тырысқанын атап өтті.

Робертсон өткен жылғы іріктеу кезеңіндегі Данияға қарсы матчты мысалға келтірді. Ол кездесуде Шотландияға міндетті түрде жеңіс керек болғанын, ал команда керемет ойын көрсетіп, әдемі голдар соғып, жанкүйерлеріне ұмытылмас кеш сыйлағанын айтты. Капитан дәл осындай ойындар арқылы құраманың құрметке лайық екенін жеткізді.

Алдағы турнирге қатысты Робертсон топтың өте қиын екенін және үш бірдей аса ауыр матч күтіп тұрғанын жасырмады. Дегенмен ол қысым сезінбейтіндерін, өйткені оңай болмайтынын алдын ала түсінетіндерін айтты. Капитан әр ойында жеңіске жету үшін ең үздік деңгейде ойнау қажет екенін, ал команда бар мүмкіндігін толық пайдаланып, ең мықты ойынын көрсете алса, кез келген қарсыласқа қиындық тудыра алатынына сенетінін жеткізді.

«Бәрі өзімізге байланысты», - деді Робертсон. Оның сөзін «Daily record» келтіреді.

Пікірлер (0)

Пікірлер (0)