Калил - «Сан-Паулу» академиясының түлегі. Ол кәсіби деңгейдегі алғашқы қадамын 2014 жылы «Крисиума» жүйесінде бастаған.

Шабуылшы мансабында бірнеше елдің чемпионаттарында ойнады: Бразилия, Жапония, Оңтүстік Корея және Таиланд. Бразилияда ол «Крисиума», «Униан Рондонополис», «Португеза Сантиста», «Оэсте», «Сан-Жозеэнсе» және «Операрио Ферровиарио» клубтарында өнер көрсетті. Сондай-ақ оның тәжірибесінде «Альбирекс Ниигата», «Пучхон 1995», «Кёнджу» және «Кённам» командалары бар.

Футболшының соңғы командасы - тайлық «Порт». Бангкок клубында жарты жыл ішінде Калил 15 ресми матч өткізіп, бес гол соғып, бір нәтижелі пас берді. Сонымен бірге ол «Портпен» бірге Таиланд Лига кубогын жеңіп алды.

Жалпы алғанда, Калил кәсіби мансабында шамамен 200 ресми ойынға қатысып, 50-ден аса гол соққан. Қазақстан оның карьерасындағы бесінші ел болмақ.

ҚПЛ-2026 маусымында 19 турдан кейін «Ертіс» 17 ұпай жинап, турнир кестесінде 15-орында, яғни соңғыдан бір саты жоғары тұр.

Пікірлер (0)

Пікірлер (0)