Италиялық ұжымның бас бапкері Сеск Фабрегас 24 жастағы футболшымен келісімшарт жасасқанына қуанышты екенін жасырмайды. Бапкер жаңа ойыншының шабуыл шебіне қажетті қарқын қосып, өзінің шеберлігі мен жоғары белсенділігі арқасында клубтың тактикалық философиясына толықтай сай келе отырып, команданың оң қапталын күшейтетінін атап өтті.

«Ян — батыл әрі техникасы жоғары футболшы, ол біздің оң қапталдағы ойынымызды әртүрлі етуге мүмкіндік береді. Ол шабуылға шыққанды жақсы көреді, бойында таусылмас энергиясы бар және біздің ойын үлгісіне өте жақсы келеді. Жасына қарамастан, оның қоржынында мол тәжірибе бар, сондай-ақ біз оның «Комода» әрі қарай дами беретініне сенімдіміз», — деп келтіреді Фабрегастың сөзін команданың баспасөз қызметі.
Еске сала кетейік, өткен жарыстың қорытындысы бойынша бұл клуб Италияда үлкен сенсация жасады: 71 ұпай жинаған Фабрегастың шәкірттері 4-орынға тұрақтап, Чемпиондар лигасына тарихи жолдаманы жеңіп алған еді. Олармен бірге беделді еурокубокта ел намысын «Интер», «Наполи» және «Рома» қорғайды.

Пікірлер (0)

Пікірлер (0)