Негізгі өзгерістер:

Күнтізбе: 2027 жылы қысқартылған өтпелі маусым өтеді. Ал 2028 жылдан бастап лига Еуропа күнтізбесіне көшеді. Маусым финалын 2028 жылғы 21 мамырда өткізу жоспарланған.

Конференциялар болмайды: Қазіргі екі конференцияның орнына 5 дивизион құрылады.

Плей-оффқа 20 команда: Жалпы турнирлік кестедегі үздік 20 клуб плей-оффқа жолдама алады.

Көшбасшыларға екінші мүмкіндік: Тұрақты чемпионаттың үздік 8 командасы плей-оффты «қосарланған ойыннан шығу» жүйесі бойынша бастайды. Яғни алғашқы жеңіліс команданың турнирден бірден шығып қалуына әкелмейді. Ал 9-20 орындардағы командалар 1/16 финалға шығу үшін өтпелі матчтар өткізеді.

Реформа лига комиссарының ауысуымен де байланысты. Дон Гарбердің орнына Ларри Берг келеді.

Сонымен қатар МЛС қазіргі кезде сынға ұшырап жүрген екі жеңіске дейінгі серия форматынан бас тартып, командалардың құрам жасақтау ережелерін жеңілдетуді жоспарлап отыр.

Лига өкілдері әзірге бұл ақпаратқа қатысты ресми түсініктеме берген жоқ.

Пікірлер (0)

Пікірлер (0)