Қазақстанның негізгі қарсыластары да ұпай қорын толықтырып, арадағы айырманы қысқарта бастады. 34-орындағы Босния және Герцеговина 0,250 ұпай қосты, 35-орындағы Косово 0,125 ұпай еншіледі. Ал 37-сатыдағы Латвия да 0,125 ұпай жинап, Қазақстанға барынша жақындады - қазір Қазақстанның Латвиядан басымдығы небәрі 0,125 ұпай ғана.

Бүгін Конференциялар лигасының бірінші іріктеу кезеңіндегі қарымта матчтардан кейін «Астана» мен «Елімай» турнирмен қоштасты. Семейлік команда армениялық «Алашкерттен» екі ойынның қорытындысы бойынша матчтан кейінгі пенальти сериясында жол берді - 5:6. «Астана» алғашқы кездесуде албаниялық «Динамоны» (Тирана) 1:0 есебімен жеңгенімен, қарымта ойында өз алаңында қосымша уақыттан кейін 1:4 есебімен ірі есеппен ұтылды.

Осылайша Қазақстан еурокубок маусымының басында-ақ өкілдерінің тең жартысынан айырылды. Енді халықаралық аренада ел намысын тек «Қайрат» (Чемпиондар лигасы) пен «Тобыл» (Конференциялар лигасы) ғана қорғап жүр.

Пікірлер (0)

Пікірлер (0)