Харри Кейннің айтуынша, егер «Алтын доп» дәл қазір табысталса да, ол өзін марапатқа лайық деп есептейді. Шабуылшы қазіргі басты үміткерлер қатарына Майкл Олисе, Чемпиондар лигасының финалист командаларының ойыншылары және өзін қосты.

Сонымен бірге Кейн бұл жүлдені міндетті түрде алуға тиіс екенін айтып, даурығатындардың бірі емес екенін атап өтті. Оның сөзінше, ол өз бағасын алаңдағы ойыны мен нәтижесі арқылы дәлелдеуге тырысады.

«Егер «Алтын допты» дәл қазір табыстайтын болса, бәрібір өзімді оған лайықпын деп санаймын. Қазір «Алтын допқа» басты үміткерлер кімдер десек, олар - Майкл Олисе, Чемпиондар лигасының финалист командаларының ойыншылары және мен.

Бірақ сонымен бірге мен «Алтын допқа» міндетті түрде лайықпын деп даурығатындардың қатарынан емеспін. Мен үшін алаңдағы нәтижем сөйлесін деп тырысамын. Биылғы салтанатты рәсімнің Лондонда өтетіні ме? Мүмкін, бұл мен үшін жақсы нышан шығар. Бұл марапатты өзім туған қалада алу мен үшін одан да ерекше оқиға болар еді», - деп келтіреді Кейннің сөзін Actu Foot әлеуметтік желіде.

Пікірлер (0)

Пікірлер (0)