2026 жылғы әлем чемпионатының ширек финалында Норвегияға қарсы матчта (негізгі уақыт - 1:1, қосымша уақытта - 1:0) Беллингем екі рет мергендік танытып, Англияны жартылай финалға алып шықты. Енді ағылшындар келесі кезеңде Аргентинамен кездеседі.

Осы ойында жасаған дубль Беллингемге ерекше статистиканы да алып келді: ол бір әлем чемпионатының плей-офф кезеңінде қатарынан екі матчта дубль жасаған 1986 жылдан бергі алғашқы футболшы атанды. Бұған дейін мұндай көрсеткішке тек Диего Марадона ғана қол жеткізген.

Беллингемнің ұлттық құрамадағы 12 голының тоғызы ірі турнирлерде соғылған. Ал дәл осы әлем чемпионатындағы алты голы оны Гари Линекер мен Гарри Кейнмен бір қатарға қойды - Англия атынан бір әлем чемпионатында кемі бес голдан соққан жалғыз ойыншылар осы үшеуі.

Линекер Беллингемнің ықпалы мен жасына тоқталып, оны супержұлдыз деңгейіндегі көшбасшы ретінде бағалады. «Тіпті оның Англия тарихындағы ең ұлы футболшы атануға мүмкіндігі бар дер едім. Әрине, бұл - батыл болжам, өйткені құрама тарихында талай керемет ойыншы болды. Бірі ел намысын қорғап жүріп үлкен табысқа жетті, бірі - жете алмады. Мәселен, Бобби Чарльтонды алсақ, ол сөзсіз көшбасшылардың қатарында тұруы керек. Бұл қатарға Гарри Кейнді де, өзге футболшыларды да қосуға болады. Бірақ дәл осы ойыншының өз жасында Англияны жеңіске қарай жетелеп жүруі - нағыз супержұлдыздың белгісі», - деп Линекердің сөзін «ESPN» келтіреді.

Пікірлер (0)

Пікірлер (0)