UFC екі салмақ дәрежесінде бұрынғы чемпионы Конор Макгрегор 2026 жылғы әлем чемпионаты финалына қатысты өз таңдауын көпшілікке көрсетті. Ол әлеуметтік желідегі парақшасында финал аясында өтуі тиіс Испания - Аргентина ойынына жасаған бәсінің талонын жариялады.

Макгрегор бұл кездесуде Аргентина 3:2 есебімен жеңеді деп 100 мың доллар қойған. Букмекерлік коэффициент 36,00 болған. Егер болжамы дәл шықса, ирландиялықтың ықтимал ұтысы 3,6 млн долларды құрайды - бұл сома талонда көрсетілген.

«Әлем чемпионаты финалына менің болжамым мен бәстесуім! Аргентина 3:2 есебімен жеңеді», - деп жазды Макгрегор.

Файтердің айтуынша, ол бұл есепті өзі ойлап таппаған: бұған дейін интернетте белгісіз бір қолданушы дәл осындай нәтижені болжағанын көріп, соған ерген.

«Бес жыл бұрын интернеттегі бір жігіт осылай деді, маған соның өзі жеткілікті болды. Мен сонымен біргемін! Алға, мына «интернеттегі әлдебір жігіт», бізге жеңіс әкелші, жаным!» - деп жазды Макгрегор.

Пікірлер (0)

Пікірлер (0)