Түрік клубы 21 жастағы жартылай қорғаушы Алексей Батраков үшін оңайлықпен берілмеуге бекінген. Бұған дейін стамбулдықтар мәскеуліктерге 20 миллион еуро ұсынғанымен, теріс жауап алған еді. Енді француздардың «ПСЖ-сы» Ресейге қатысты еуропалық шектеулерге байланысты жарыстан шығып қалғандықтан, «сары-қызылдар» жалғыз үміткер ретінде қалып, келісімшарт шарттарын жақсартуға дайын.

Fotomaç ақпараты бойынша, түрік гранды ұсыныс сомасын 25 миллион еуроға дейін көтеріп, «теміржолшыларға» ойыншыны кейін қайта сатқаннан түсетін пайыздарды беретінін айтады. Дегенмен, ресейлік БАҚ мәскеуліктер өз түлегі үшін кемінде 30 миллион алғысы келетінін алға тартады.
Батраковтың өзі Стамбулға ауысуы мүмкін екендігі туралы сұраққа: «Әзірге білмеймін», — деп қысқа қайырды. Өткен маусымда жартылай қорғаушы «Локомотив» сапындағы 36 бәсекеде 29 ұпай жинап (17 гол және 12 ассист), таңғаларлық көрсеткіш тіркеген еді.

Пікірлер (0)

Пікірлер (0)