Елордалық ұжымның жаңа ойыншысының еурокубоктарда бақ сынаған қомақты тәжірибесі бар және ол жоғары жылдамдығымен, әмбебаптығымен, сондай-ақ еңбекқорлығымен ерекшеленеді. Кпозо сол қанаттағы қорғаушы позициясын да сапалы жаба алады, сонымен қатар жартылай қорғаныстың қанатында да ойнауға қауқарлы.

Патрик — ганалық «Интернешнл Аллиес» командасының тәрбиеленушісі. Ол өзінің еуропалық мансабын Швецияда бастап, «АИК» пен «Эстерсунд» клубтарының намысын қорғаған. Африкалық футболшы ең үлкен жетістіктеріне молдовалық «Шерифтің» сапында қол жеткізді, онымен бірге жергілікті біріншілікті екі рет жеңіп алып, ел Кубогын иеленді. Қазақстанға латераль чехиялық «Баник» клубынан ауысып келді. Бұдан бөлек, Кпозоның еншісінде Гана ұлттық құрамасына шақыртулар да бар.

ҚПЛ-ға ауысқанға дейін қорғаушы Чехия біріншілігінде 5 кездесу өткізіп (бір нәтижелі паспен көзге түсті), сондай-ақ Еуропа лигасы мен Конференция лигасының іріктеу кезеңдерінде жалпы саны 6 матчта өнер көрсетіп үлгерді.

Беделді Transfermarkt порталы футболшының трансферлік құнын € 150 мыңға бағалайды.

Пікірлер (0)

Пікірлер (0)