Есеп 20-минутта ашылды — Бамиделе Юсуф мергендік танытты. Үзіліске аз уақыт қалғанда Мика Баур таразы басын теңестірді, алайда бірінші таймның қосымша уақытында Кристоффер Закариассен қонақтарды қайтадан алға шығарды.
Екінші тайм бастала салысымен Даниэль Арзани «Ференцвароштың» үшінші голын соқты. «Селтиктің» бұрынғы футболшысы алыстан әдемі соққы жасап, қорытынды есепті белгіледі — 3:1.
Шотландиялық клуб үшін бұл жеңіліс сәтсіз серияның жалғасына айналды. Бұған дейін команда «Рейнджерстен» 0:3 есебімен ұтылған еді.