«Біз күткендей, өте қиын матч болды, өйткені қарсылас өте мықты. «Арсеналмен» ойыннан кейін аздап шаршаған едік, бірақ мінез көрсетіп, біртұтас команда ретінде әрекет еттік», — деді Ле Брис.
Франциялық маман 66-минутта пенальтиді сәтті орындап, кездесудегі жалғыз голды соққан Энцо Ле Фені де ерекше мақтады.
«Мен оған сенемін. Ол тағы да жауапкершілікті өз мойнына алып, батылдық танытты. Осындай ойыншылар төзімділігімен ерекшеленеді», — деді бапкер.
Ле Брис сондай-ақ «Стэдиум оф Лайттағы» атмосфера үшін жанкүйерлерге алғысын білдірді.
«Біздің жанкүйерлеріміз футболға ерекше құштар. Олар осы сәттен ләззат алды деп үміттенемін. Олар осындай кештерге лайық», — деді «Сандерленд» бас бапкері.