Ақтаулық ұжымның баспасөз қызметі бразилиялық легионермен келісімшарттың мерзімінен бұрын тоқтатылғанын мәлімдеді. Густаво Франча «Каспий» сапына ағымдағы жылдың наурыз айының соңында Бразилияның «Сан-Бернардо» клубынан ауысып келген болатын.

Алайда, Қазақстан біріншілігіндегі алғашқы маусымында шабуылшы өзін көрсете алмады — алаңға шыққан 6 матчта бірде-бір нәтижелі іс-қимылымен (гол немесе нәтижелі пас) көзге түскен жоқ.

Клуб басшылығы әлеуметтік желідегі ресми парақшасында футболшыға алғыс білдіріп, сәттілік тіледі:

«Рақмет, Густаво! Густаво Франча „Каспий“ құрамында алаңға шығып, командалық мақсаттарға қол жеткізу үшін жан аямай еңбек етті. Ол біздің клубтың намысын абыроймен қорғап, әр матчта бар күш-жігерін салды».

«Трансфермаркт» порталының мәліметі бойынша, ойыншының нарықтық құны 100 мың еуроны құрайды. Айта кетейік, қазіргі уақытта Ақтау клубы ауыр дағдарысты бастан кешіруде. Қазақстан Премьер-лигасының 13 турынан кейін «Каспий» еншісінде 9 ұпай ғана бар және команда турнирлік кестенің ең соңғы, яғни 16-шы сатысында орналасқан.

Пікірлер (0)

Пікірлер (0)