«Мен жеңіс үшін туғандардың ұжымына түстім деп есептеймін. Олар алаңда ымырасыз, мен әрдайым дәл осындай ойыншылардың — кубоктарды тұрақты түрде иеленіп жүрген чемпиондардың арасында өнер көрсетуді армандадым. Соңғы 10–12 жылда «Сити» футболда үстемдік жүргізіп келеді, бұл — ең жоғары деңгейде жүлделерді бағындыруға бағытталған клуб. Кез келген футболшы үшін мұндай шақыру — үлкен серпін.

Олар тарапынан қызығушылық бар екенін білген бойда, мен бұл трансфердің жүзеге асуы үшін қолымнан келгеннің бәрін жасадым. Кез келген өршіл футболшы өзін максималды деңгейде тексеріп көргісі келеді, ал «Сити» мұндай мүмкіндікті береді. Бұнда шеберлікті шыңдауға идеалды жағдай жасалған, ал олардың соңғы он жарым жылдағы ойын өрнегі мен жетістіктері — жай ғана феноменалды. Осындай құрылымның бір бөлігі болу — мен үшін үлкен мәртебе», — деп келтіреді хавбектің сөзін The Telegraph.

Премьер-лиганың өткен маусымында Андерсон «Ноттингем Форест» сапында 38 кездесу өткізіп, өз еншісіне 4 гол мен 4 нәтижелі пас жазды.

Пікірлер (0)

Пікірлер (0)