Скалони әр матчтың өз ерекшелігі барын атап өтіп, команда көңілінен шықпаған тұстарды түзетуге тырысатынын жеткізді. Сонымен бірге ол Аргентина құрамасының мақсаттары әлі де орындалуы мүмкін екенін айтты.

«Бізді тағы да жартылай финалға алып шыққан осы жігіттерге алғысым шексіз. Біз кезекті мәрте әлемнің ең үздік құрамаларының қатарындамыз. Егер осында болсақ, демек, бір нәрсені дұрыс жасадық. Екі матч бір-біріне ұқсамайды. Өзіміз көңілден шықпаған тұстарды жақсартуға тырысамыз. Армандарымыз әлі де тірі.

Ойыншыларым алаңда әрдайым барын салып келеді. Бірақ футбол ойнауды ұмытпауымыз керек - ең маңыздысы сол. Мен оларға осы сәттен ләззат алуды айтамын. Біз риза болып, жігерленіп, осы футболшыларға алғыс айтуымыз керек. Біз әрдайым ойыншылардың пікіріне құлақ асамыз, өйткені алаңға шығатын - солар», - деді Скалони матч алдындағы баспасөз мәслихатында.

Жартылай финалда Аргентина Англиямен кездеседі. Ойын бүгін, 2026 жылдың 15 шілдесінде, АҚШ-тың Атланта қаласындағы «Мерседес-Бенц Стэдиум» стадионында өтеді.

Пікірлер (0)

Пікірлер (0)