Бұған дейін Нидерланд құрамасының ойыншысына «Рома» қызығушылық танытқан болатын. Дүйсенбі күні лондондық клуб италиялық команданың 39 миллион фунттық (46 миллион еуро) ұсынысын қабылдаудан бас тартты.

Сейсенбі күні түстен кейін «Әл-Хиляльдың» Саммервиллді сатып алу үшін соңғы сәтте әрекет жасағанын алғаш болып Sky Sports арнасының Италиядағы тілшісі Джанлука Ди Марцио хабарлады. Саудиялық клуб «Романың» ұсынысынан шамамен екі есе көп қаржы ұсынып, «Вест Хэм» мәмілеге бірден дерлік келісім берді.

Егер трансфер толық жүзеге асса, Саммервилл «Вест Хэм» тарихындағы ең қымбат сатылған үшінші футболшы атанады. Бұл тізімде одан жоғары тек Деклан Райс пен Матеус Фернандес тұр.

Чемпионшипке түсіп қалған «Балғашылар» (The Hammers) бұл келісім аяқталғаннан кейін жазғы трансферлік кезеңде Саммервилл мен Фернандесті сатудан жалпы 150 миллион фунттан астам табыс табады.

Пікірлер (0)

Пікірлер (0)