Өткен маусымда шабуылшы жарақаттарына байланысты қиындықтарға тап болып, Серия А клубы сапында барлық турнирде небәрі жеті кездесу өткізді.

Бельгия құрамасы тарихындағы ең үздік бомбардир Түркияға қайта оралуда. Ол 1996/1997 жылдардағы маусымда әкесі Роже Суперлиганың «Генчлербирлиги» клубында кәсіпқой деңгейде өнер көрсеткен кезде осы елде тұрған еді.

«Сіздердің клубтың бір бөлігі болу — мен үшін үлкен мәртебе әрі құрмет, — деді Лукаку әлеуметтік желілерде «Фенербахче» жанкүйерлеріне арнаған бейнежолдауында. — Мен тамаша бабымдамын, 100% дайынмын және алаңға шығуға асықпын. Осыншама жылдан кейін бала кезімде тұрған, әкемнің арқасында кішкентай кезімде алғаш рет кәсіпқой футбол әлемімен танысқан Түркияға қайта оралу — мен үшін өте толқынысты сәт».

Мәміленің қаржылық егжей-тегжейлері мен Лукакумен жасалған келісімнің мерзімі жарияланған жоқ.

Жарақаттар кесірінен сәтсіз өткен маусымға қарамастан, «Челси», «Эвертон» және «Манчестер Юнайтедтің» бұрынғы шабуылшысы осы жазда өткен Әлем чемпионатында үш гол соқты.

Лукаку өзінің карьерасында «Андерлехт» сапында Бельгия чемпионы атанды, «Челсимен» ФИФА Клубтық әлем чемпионатын жеңіп алды, сондай-ақ «Интер» мен «Наполиде» скудеттоны бағындырды.

Бельгиялық футболшы осы жазда стамбулдықтардың қатарын толықтырған «Манчестер Юнайтедтің» бұрынғы екінші шабуылшысы болды — бұған дейін клуб «Марсельден» Мейсон Гринвудты қатарға қосқан еді.

Еске сала кетейік, «Фенербахче» соңғы төрт маусым бойы «Галатасарайдан» кейін екінші орын алып келеді және 2014 жылдан бері Түркия чемпионатын жеңе алмай жүр.

Пікірлер (0)

Пікірлер (0)