Франциялық ойыншы 2025/2026 жылғы маусымда тамаша өнер көрсетіп, команданың басты көшбасшыларының біріне айналды.

Өткен маусымда Олисе 50 матчта 17 гол соғып, 18 нәтижелі пас берген болса, биылғы көрсеткіші одан да әсерлі болды — 57 ресми кездесуде 25 гол және 28 ассист.

Жанкүйерлер де француз футболшысының маусымдағы еңбегін жоғары бағалады. Үздік ойыншыны анықтайтын дауыс беруде Олисе 51,4 пайыз дауыс жинап, әріптестері Харри Кейнді (32%) және Луис Диасты (4%) артта қалдырды.

Сондай-ақ Opta дерегіне сәйкес, 24 жастағы футболшы Еуропаның үздік бес чемпионатында өнер көрсететін ойыншылар арасында нәтижелі пастар саны бойынша көш бастады. Ол маусым барысында 30 голдық пас берді: оның 26-сы «Бавария» сапында, ал төртеуі Франция құрамасы үшін тіркелді.

Айта кетейік, 2025/2026 жылғы маусымның қорытындысы бойынша «Бавария» 34 матчта 89 ұпай жинап, Германия чемпионы атанды.

Пікірлер (0)

Пікірлер (0)