Есеп 22-минутта ашылды: Хулиан Киньонес Мексиканы алға шығарды. 31-минутта Рауль Хименес тағы бір гол соғып, команданың басымдығын нығайтты - бұл матчтағы соңғы есеп болды.

Ойынның қосымша уақытында даулы сәт тіркелді. 90+5-минутта Эквадор қорғаушысы Пьеро Инкапье аузын қолымен жауып тұрғаны үшін қызыл қағаз алды. Ол қарсыласымен сөзге келіп қалған кезде аузын қолымен бүркеп сөйлескен, ал жаңа ереже бойынша мұндай әрекет алаңнан қуылумен жазаланады.

Осы жеңістен кейін Мексика 1/8 финалда Англия - Конго Демократиялық Республикасы жұбының жеңімпазымен кездеседі. Эквадор болса әлем чемпионатындағы өнерін аяқтады.

Айта кетейік, 2026 жылғы әлем чемпионаты АҚШ, Канада және Мексикада 11 маусым мен 19 шілде аралығында өтіп жатыр. Қазіргі әлем чемпионы - Аргентина: олар 2022 жылы Қатардағы финалда Франциямен 3:3 есебімен тең түскеннен кейін пенальти сериясында 4:2 есебімен жеңіске жеткен еді.

Пікірлер (0)

Пікірлер (0)