Осыған байланысты «Мессидің мәлімдемелері сізге тиді ме?» деген сауалға Милей: «Мүлде жоқ, тіпті де жоқ. Біз әрдайым шынайы ниетпен айтылған кез келген пікірді құптаймыз», - деп жауап берді.

Президент елдегі проблемаларды жасырмайтынын атап өтті. Оның айтуынша, қазіргі кедейлік деңгейі 30% және бұл жағдай қуантпайды. Дегенмен Милей қызметке кіріскен кезде экономикалық көрсеткіштерді нақты ахуалға сәйкестендіру қажет болғанын, сол сәтте кедейлік 57% болғанын айтты. Ол гиперинфляцияның алдын алмаған жағдайда Аргентинаны «Венесуэла сценарийі» күтіп, кедейлік 90%-ға дейін өсер еді деп есептейді.

Милей мұны үлкен жетістік деп бағалағанымен, жұмыстың әлі аяқталмағанын жеткізді. Оның дерегінше, билікке келген кезде халықтың 20%-ы аса ауыр жоқшылықта өмір сүрген, қазір бұл көрсеткіш 6%-ға түскен. Балалардың кедейлікте өмір сүру деңгейі де 70%-дан 42%-ға азайғанын айтты.

Президенттің сөзінше, қыруар жұмыс атқарылғанымен, алда міндет көп. Ол мәселе толық шешілді деп ойлау да, керісінше атқарылған істі жоққа шығару да дұрыс емес екенін айтып, қазіргі жағдайға пікір білдіруді орынды санайтынын жеткізді. «Ешқайсымыз шындықты жоққа шығарып отырған жоқпыз», - деді ол.

Сондай-ақ Милей «Аргентинада кедейлік бар екеніне мен неге ашулануым керек? Мәселе - оған кім себеп болды» деп, бір ғасыр бойы қордаланған қиындықтардың салдарын екі жарым жылда жойып жіберу мүмкін емес екенін атап өтті.

Президент бұл тақырып төңірегіндегі әңгімені БАҚ «бедел түсіруге бағытталған науқан» ретінде сипаттады. Ол кейбіреулер сөздерді контекстен жұлып алып, негізсіз араздық қоздыруға тырысатынын айтты. Милей мұны жасанды интеллект арқылы жасалған монтажбен бұрмаланған видеоларға ұқсатып, «ХХІ ғасыр социализмі» туралы да пікір білдірді: «Біз “ХХІ ғасыр социализмі” деп аталатын осы қоқыстың не екенін әлдеқашан білеміз - олар дәл осылай әрекет етеді», - деді ол.

Пікірлер (0)

Пікірлер (0)