Инсайдер Хави Мигельдің мәліметінше, де Йонг бұл жарақаттың асқынып кетуіне ұлттық құраманың медициналық штабын айыптап отыр. Ойыншы ашық хат жариялап, «қызғысарылардың» дәрігерлері оны жарақаттың қауіпсіз екеніне сендіргенін түсіндірді:

«Алғашқы тексерістен кейін құрама дәрігерлері бұл елеусіз зақымдану екенін және алаңға шығуды жалғастырсам, тізенің жағдайы нашарламайтынын айтты. Жалғыз қолайсыздық — ауырсыну болды, бірақ мен клуб пен ел үшін әрдайым ауырсынуға шыдап ойнауға үйренгенмін.

Дегенмен Барселонадағы тексеріс жағдайдың әлдеқайда күрделі екенін көрсетті. «Барселонаға» деген адалдығыма күмән келтірген жалған өсектерді оқу маған ауыр тиді. Мен өзімді футболға толығымен арнаймын. Бұйыртып, ота жасаудың қажеті болмады, қазір бар назарымды қалыпқа келуге аударып отырмын», — деп жазды Френки өзінің әлеуметтік желілерінде.

As басылымының деректері бойынша, жартылай қорғаушыны емдеу және қалыпқа келтіру процесі 5-тен 6 айға дейін созылады. Нидерландтық футболшы алаңға 2027 жылдың қаңтарынан ерте орала алмайды. Ла Лиганың өткен маусымында де Йонг 25 кездесу өткізіп, 1 гол соқты және 5 нәтижелі пас берді.

Пікірлер (0)

Пікірлер (0)